A baar Eirole ins Vereinskässle

Dei Verei plant a Veranstaldong?
Do hanna fendesch Infos ond a Rechenbeischbiel, wie des mit Odeng laufa däd...


Notice: Trying to access array offset on value of type int in /var/www/virtual/odeng.eu/htdocs/templates/yoo_joy/warp/src/Warp/Config/Repository.php on line 243

Notice: Trying to access array offset on value of type int in /var/www/virtual/odeng.eu/htdocs/templates/yoo_joy/warp/src/Warp/Config/Repository.php on line 243

Notice: Trying to access array offset on value of type int in /var/www/virtual/odeng.eu/htdocs/templates/yoo_joy/warp/src/Warp/Config/Repository.php on line 243

Notice: Trying to access array offset on value of type int in /var/www/virtual/odeng.eu/htdocs/templates/yoo_joy/warp/src/Warp/Config/Repository.php on line 243

Dein Verei - des isch jo a Odeng

Kennsch Du des au? Es schdoht scho wieder wieder des gotzich Vereisfescht vor d’r Tür an und Ihr wellat net scho wieder den Seggl an d’r Bontempi-Orgel von letzsch Johr oder die gleich Cover-Band, die net reacht schbiela ka aber sauft wied’Sau?

Ha Kerle, na buach doch a Veraschdaldung mit ODENG!

Mir organisierat zamma mit Dir und Deim Verei an Obend, den Ihr so beschdemmt no net verlebt hen. Du griagsch vo os an dodal subber vollschwäbischa Vereins-Event, für den Ihr d’r bassende Rahma schdellat.

Mir brengat Eich an overgesslicha ond obacha komischa Obend mit ma Haufa Schwäbisch, schwäbische Liader ond viel Läddagschwätz, älles eigflochda emma schbannenda Theaterschdick, bei sellem mitsenga, mitmacha ond mitlacha asgagt isch.

Aber s’geit no viel meh:

Ergebnis von’ra Veranschdaldung vo os als onverbindlichs Beischbiel*:

Eitritt: 19,00 Euro
Sitzblätz (verkaufte Karta) 250
Kartaomsatz: 4.750,00 Euro
Bulver fir ODENG: 3.325,00 Euro
Iberschuss fir d’r Verei aus’em Eitritt: 1.425,00 Euro

Oba druff kommt fir Eich no d’r Gwenn aus’em verkaufda Essa und Drenka. Des sen bei 250 Gäscht 250 Essea und ogfähr 500 Getränk. Do kennat leicht nommol 1.500,00 oder meh fir Eier Vereinskässle hänga bleiba! Des sen faschd dreidausat Eiro!

So hot jeder ebbes d’rvo. Älles, was Du do muasch isch, a Blätzle des basst (Saal, Halle mit’ra Bihne) zom bsorga, a reachts schwäbischs Essa fir Deine Gäscht uff d’r Disch zom schdella ond Eire Mitglieder, Freind ond dia, die’ner sonsch no kennat, eizomlada.

Ka do ebbes bassiera? Was issch, wenn mir bloß a baar Karta verkaufat oder wenn onser Saal kloiner isch? Missat mit Eich no trotzdem da ganze Bulver gebba?

Koi Sorg! Mir berechnst den Bulver, den mir kriegat emmer en Prozent vom Bulver von de verkaufte Karta ond deswega ko do iberhaupt nix bassiera! Mir schreibat Eich bloß d’r Eitrisspreis em Vorverkauf vor, der net weniger als wie 19,00 Euro fir jedes Eitrittskärtle sei derf, ond mindeschdens 100 Kärtla missat Ihr verkaufa. Glappt des net, sagat mir älles ab ond a jedes zahlt sei Zeig.

Isch des OK fir boide Seita? Mir glaubat scho.

Uff goht’s – lass Dir jetz glei ausrechna, wie des älles fir Di ond Dein Verei ausseha ka. No siehsch selber, das des ebbes isch!

Henner Froga? Au des no. Ha, no ruaf halt o ond mir verzehlat Dir’s nommol. Mit ons kamer schwätza!